az
ƏMAS altsistemində xitam əmrləri ilə bağlı YENİ bölmə
ƏMAS altsistemində xitam əmrləri ilə bağlı YENİ bölmə: 5 sual – 5 cavab
Xəbər verdiyimiz kimi, ƏMAS altsistemində əmək müqaviləsinə xitam əmrinin hazırlanması prosesinə yeni bölmə daxil edilib. Dövlət qurumu işəgötürənə əmək müqaviləsinə xitam verilən işçinin səlahiyyətinin ləğvi ilə bağlı prosesin həyata keçirilməsinə imkan yaradıb. İşəgötürən “Əməkdaşın icazələri silinsinmi” sualına “Bəli” və ya “Xeyr” cavabı verməlidir.
İnsan resursları sahəsində çalışan həmkarlarımızın ƏMAS altsistemində xitam əmri yaradılan zaman hazırlanan yeni bölmə üzrə suallarını 5 qrupda təsnifləşdirib:
Sual 1.İşəgötürən əmək müqaviləsinə xitam verilən bütün işçilər üçün həmin bölmədə qeyd aparmalıdır?
Dövlət qurumu ƏMAS altsistemində əmək müqaviləsinə xitam verilən bütün işçilər üzrə yeni bölməni aktiv olaraq müəyyənləşdirib.
Sual 2. İşəgötürən yeni bölmədə “Bəli” düyməsini seçdikdə hansı icazələri ləğv edir?
İşəgötürən əmək müqaviləsinə xitam bölməsində “Bəli” düyməsini seçdiyi zaman işdən çıxarılan işçinin səlahiyyətlərini etibarsız hesab etmiş olacaq. Misal üçün, işəgötürən insan resursları üzrə mütəxəssisin əmək müqaviləsinə xitam zamanı müvafiq bölmədə “Bəli” düyməsi seçdikdə həmin şəxsə ƏMAS altsistemində verilən bütün səlahiyyətlər etibarsız hesab ediləcək. Əmək müqaviləsinə xitam verilən şəxs ƏMAS altsitemindəki xitamdan öncəki səlahiyyətlərindən istifadə hüququnu itirəcək.
Sual 3. İşəgötürənin ƏMAS-da səlahiyyət vermədiyi işçilər üzrə yeni bölmədə seçim edilməlidir?
ƏMAS altsistemində işəgötürənin səlahiyyət vermədiyi işçinin əmək müqaviəsinə xitam zamanı “Bəli” və ya “Xeyr”in seçilməsinin hər hansı əhəmiyyəti olmayacaq.
Sual 4. ƏMAS altsistemində işəgötürən tərəfindən səlahiyyətlərinə xitam verilən şəxslərin digər portaldakı icazələri də avtomatik ləğv edilir?
İşəgötürən ƏMAS altsitemində əmək müqaviləsinə xitam verdiyi işçi ilə bağlı yeni bölmədə “Bəli” düyməsi seçdikdə yalnız ƏMAS altsistemində verilən səlahiyyətlər dayandırılır. Əmək müqaviləsinə xitam verilən işçinin başqa portalda - misal üçün, işğaldan azad olunan ərazilərə getmək - icazəsi mövcuddursa, “Bəli” və “Xeyr” düyməsinin seçilməsinin həmin icazəyə aidiyyəti olmayacaq.
Sual 5. İşəgötürən hansı şəxslərin əmək müqaviləsinə xitam zamanı “Bəli” düyməsi seçdikdə onların ƏMAS-dakı funksiyasını dayandıra bilməyəcək?
ƏMAS-la bağlı keçirilən tematik təlimdə qeyd olunduğu kimi, işçilər üçün ƏMAS altistemində iki tip istifadəçi imkanları mövcuddur: “rəhbər” və “adi”. İşəgötürən işçi üçün gücləndirilmiş elektron imzanı “rəhbər” statusunda aldıqda, həmin şəxslərə ƏMAS altsistemində hər hansı səlahiyyət verilməsinə ehtiyac yaranmır. Bu səbəbdən “rəhbər” statusunda gücləndirilmiş elektron imzaya malik olan şəxs üçün əmək müqaviləsinə xitam zamanı yeni bölmədə “Bəli” düyməsi seçildiyi halda belə, həmin şəxsin ƏMAS altistemindən istifadə imkanları məhdudlaşdırılmır.
Xəbər verdiyimiz kimi, ƏMAS altsistemində əmək müqaviləsinə xitam əmrinin hazırlanması prosesinə yeni bölmə daxil edilib. Dövlət qurumu işəgötürənə əmək müqaviləsinə xitam verilən işçinin səlahiyyətinin ləğvi ilə bağlı prosesin həyata keçirilməsinə imkan yaradıb. İşəgötürən “Əməkdaşın icazələri silinsinmi” sualına “Bəli” və ya “Xeyr” cavabı verməlidir.
İnsan resursları sahəsində çalışan həmkarlarımızın ƏMAS altsistemində xitam əmri yaradılan zaman hazırlanan yeni bölmə üzrə suallarını 5 qrupda təsnifləşdirib:
Sual 1.İşəgötürən əmək müqaviləsinə xitam verilən bütün işçilər üçün həmin bölmədə qeyd aparmalıdır?
Dövlət qurumu ƏMAS altsistemində əmək müqaviləsinə xitam verilən bütün işçilər üzrə yeni bölməni aktiv olaraq müəyyənləşdirib.
Sual 2. İşəgötürən yeni bölmədə “Bəli” düyməsini seçdikdə hansı icazələri ləğv edir?
İşəgötürən əmək müqaviləsinə xitam bölməsində “Bəli” düyməsini seçdiyi zaman işdən çıxarılan işçinin səlahiyyətlərini etibarsız hesab etmiş olacaq. Misal üçün, işəgötürən insan resursları üzrə mütəxəssisin əmək müqaviləsinə xitam zamanı müvafiq bölmədə “Bəli” düyməsi seçdikdə həmin şəxsə ƏMAS altsistemində verilən bütün səlahiyyətlər etibarsız hesab ediləcək. Əmək müqaviləsinə xitam verilən şəxs ƏMAS altsitemindəki xitamdan öncəki səlahiyyətlərindən istifadə hüququnu itirəcək.
Sual 3. İşəgötürənin ƏMAS-da səlahiyyət vermədiyi işçilər üzrə yeni bölmədə seçim edilməlidir?
ƏMAS altsistemində işəgötürənin səlahiyyət vermədiyi işçinin əmək müqaviəsinə xitam zamanı “Bəli” və ya “Xeyr”in seçilməsinin hər hansı əhəmiyyəti olmayacaq.
Sual 4. ƏMAS altsistemində işəgötürən tərəfindən səlahiyyətlərinə xitam verilən şəxslərin digər portaldakı icazələri də avtomatik ləğv edilir?
İşəgötürən ƏMAS altsitemində əmək müqaviləsinə xitam verdiyi işçi ilə bağlı yeni bölmədə “Bəli” düyməsi seçdikdə yalnız ƏMAS altsistemində verilən səlahiyyətlər dayandırılır. Əmək müqaviləsinə xitam verilən işçinin başqa portalda - misal üçün, işğaldan azad olunan ərazilərə getmək - icazəsi mövcuddursa, “Bəli” və “Xeyr” düyməsinin seçilməsinin həmin icazəyə aidiyyəti olmayacaq.
Sual 5. İşəgötürən hansı şəxslərin əmək müqaviləsinə xitam zamanı “Bəli” düyməsi seçdikdə onların ƏMAS-dakı funksiyasını dayandıra bilməyəcək?
ƏMAS-la bağlı keçirilən tematik təlimdə qeyd olunduğu kimi, işçilər üçün ƏMAS altistemində iki tip istifadəçi imkanları mövcuddur: “rəhbər” və “adi”. İşəgötürən işçi üçün gücləndirilmiş elektron imzanı “rəhbər” statusunda aldıqda, həmin şəxslərə ƏMAS altsistemində hər hansı səlahiyyət verilməsinə ehtiyac yaranmır. Bu səbəbdən “rəhbər” statusunda gücləndirilmiş elektron imzaya malik olan şəxs üçün əmək müqaviləsinə xitam zamanı yeni bölmədə “Bəli” düyməsi seçildiyi halda belə, həmin şəxsin ƏMAS altistemindən istifadə imkanları məhdudlaşdırılmır.