ƏMAS-da YENİLİK! İşəgötürən işçinin əlavə iş yerlərində çalışmasına icazə verməyə biləcək

ƏMAS-da YENİLİK! İşəgötürən işçinin əlavə iş yerlərində çalışmasına icazə verməyə biləcək



Əmək Məcəlləsinin 58-ci maddəsi əvəzçilik üzrə əmək müqaviləsinin bağlanması və tənzimlənməsini ilə bağlı əmək qanunvericiliyi tələblərini müəyyənləşdirir. Həmin maddənin üçüncü hissəsinə əsasən, iş vaxtından sonra əvəzçilik üzrə əlavə iş yerlərində işləməyə əsas iş yeri üzrə işəgötürənin razılığı tələb edilmir. Həmin hissəsdə qeyd edilir ki, iş vaxtı ərzində isə əvəzçilik üzrə işləməyə işəgötürənin razılığı ilə yol verilir. 13 fevral 2025-ci il tarixdən ƏMAS altsisteminə edilən dəyişikliyə əsasən əsas iş yeri üzrə işəgötürən işçi ilə əmək müqaviləsi bağladığı zaman həmin şəxsin əlavə iş yerlərində çalışması üçün mütləq razılığını almasını tələb etmək hüququna malik olacaq.

İşəgötürən “əlavə iş yeri ilə müqavilə bağlanarkən razılıq alınsın” altbölməsini aktiv etdiyi halda, digər işəgötürən əlavə iş yeri üzrə işçini işə qəbul edərkən məhdudiyyətlə qarşılaşacaq. Əlavə iş yeri üzrə işə qəbul edilmək istəyən işçi bu zaman ƏMAS-dakı şəxsi kabinet vasitəsiylə işçidən razılıq almalıdır. İşəğötürən ƏMAS altsistemində qeyd edilən bölməni aktiv etmədiyi halda, işçi sərbəst şəkildə istənilən sayda əlavə iş yeri üzrə əmək müqaviləsi bağlaya biləcək. Doğrudur, Əmək Məcəlləsinin 58-ci maddəsi işçinin iş vaxtından sonra əvəzçilik üzrə əlavə iş yerlərində işləməsi zamanı əsas iş yeri üzrə işəgötürənin razılığı tələb edilməsini qeyd etsə də, ƏMAS alt sistemi bütün hallarda onun işləməsinə icazə verməsi haqqında razılığı tələb edə bilər