az
POS-terminalla ödənişlər həm bizneslər, həm də müştərilər üçün sərfəlidir
POS-terminalla ödənişlər həm bizneslər, həm də müştərilər üçün sərfəlidir
Müasir dövrdə nağdsız ödənişlər gündəlik həyatımızın ayrılmaz hissəsinə çevrilib. Bu da öz növbəsində nağdsız ödənişlərin daha rahat üsullarının meydana çıxmasına şərait yaradıb. İnnovasiyaların geniş tətbiqi sayəsində indi təmassız ödənişləri mobil telefon, ağıllı saatlar və müxtəlif elektron qurğular vasitəsilə icra etmək mümkündür. İstehlakçılar arasında isə nağdsız ödənişlərin kartdan karta köçürülməsi və POS-terminalla qəbul edilməsi üsulları daha geniş yayılıb. Hər iki üsul rahat görünsə də, aralarındakı fərqlər maliyyə şəffaflığı, vergi uçotu və hüquqi təminat baxımından ciddi nəticələr doğura bilər. POS-terminal vasitəsilə ödənişlər kartdan karta köçürmələrlə müqayisədə daha sərfəli, etibarlı və təhlükəsizdir.
POS-terminal vasitəsilə ödənişlər biznes subyektinə etimadı artırır
Düzgün uçot sisteminin formalaşması, şəffaflıq və hesabatlılığın təmin edilməsi biznes subyektlərinin fəaliyyəti üçün mühüm şərtlərdir. POS-terminal vasitəsilə ödənişlər ticarət zamanı bütün əməliyyatların qeydə alınmasına və mühasibat uçotunun düzgün aparılmasına imkan verir. Bu, biznes sahibini hüquqi müstəvidə risklərdən sığortalayır və cərimələrdən xilas edir.
POS-terminal vasitəsilə ödənişlər ticarət zamanı bütün əməliyyatların qeydə alınmasına və mühasibat uçotunun düzgün aparılmasına imkan verir
İş dünyasında imic hər bir biznes subyekti üçün mühüm şərtdir. Müsbət imic müştərilərin artmasına və biznesin böyüməsinə ciddi təsir edir. Biznes subyekti rəqabətdə üstünlük qazanmaq üçün ödənişdən tutmuş məhsul keyfiyyətinə qədər bütün fəaliyyət zəncirində müştəriyönümlülük prinsipini əsas götürməlidir. Kartdan karta ödənişin istehlakçı hüquqlarının birbaşa pozulması olduğunu nəzərə alaraq, müştərinin POS-terminal vasitəsilə ödəniş etməsi üçün müvafiq infrastruktur yaratmaq lazımdır. Yəni sahibkar öz maraqları üçün istehlakçının hüquqlarını pozmamalıdır. İlk baxışdan bu, maliyyə üstünlüyü və gəlirlərin sərəncamda qalması kimi görünsə də, əslində, biznesin gələcəyi üçün ciddi təhlükədir. Kartdan karta ödəniş edilməsini tələb etmək maliyyə sanksiyası, etimadın itirilməsi və biznesin bazar mövqeyinin sarsılması ilə nəticələnə bilər.
Bir çox müştərilər nağdsız ödənişləri POS-terminaldan istifadə etməklə yerinə yetirməyin üstünlüklərindən xəbərdardırlar və belə müştərilər POS-terminalla təmin edilmiş ticarət mərkəzlərinə daha çox üstünlük verirlər. Beləliklə, POS-terminaldan istifadə ticarət nöqtəsinə məmnuniyyəti artırmağa kömək edir. Bu isə iş adamları üçün gəlirlərin artımı deməkdir. POS-terminal istifadə etməklə ticarət müəssisəsi müştərilərinə peşəkar və etibarlı xidmət göstərir. Kartdan karta ödəniş tələb etmək isə biznes barədə qeyri-peşəkar imic yaradır. POS-terminal vasitəsilə əməliyyatları asanlıqla izləmək və idarə etmək mümkündür ki, bu da biznesin idarə edilməsini sadələşdirir. Ödənişlərin qanunun tələbləri əsasında qəbulu, şəffaflıq, istehlakçı hüquqlarının qorunması, işgüzar etibar, loyallığın təminatı, hesabatlılıq və biznesi səmərəli idarəetmə kimi amillər POS-terminaldan istifadənin daha sərfəli olduğunu aydın şəkildə göstərir. Bu səbəbdən həm sahibkarlar, həm də müştərilər üçün nağdsız ödənişlərin daha müasir və etibarlı üsulu olan POS-terminaldan istifadə tövsiyə olunur.
POS-terminal vasitəsilə əməliyyatları asanlıqla izləmək və idarə etmək mümkündür ki, bu da biznesin idarə edilməsini sadələşdirir
POS-terminal vasitəsilə ödənişlər istehlakçılara əlavə gəlirlər vəd edir
POS-terminal vasitəsilə ödənişlər istehlakçılar üçün bir sıra üstünlüklərlə səciyyələnir. İlk növbədə belə formada ödəniş etdikdə müştərilərin bank kartı məlumatlarının şifrələnməsi və güvənli sistemlər tərəfindən qorunması təmin edilir. Bu, alıcıların şəxsi məlumatlarının və maliyyə vəsaitlərinin təhlükəsizliyini təmin edir. POS-terminal ödənişləri sürətli və asan şəkildə həyata keçirilir. Təhlükəsizlik, sürət, rahatlıq vəd edən bu ödənişlər həm də maddi üstünlüklər qazandırır. Məsələn, ölkəmizdə tətbiq edilən “ƏDV geri al” layihəsi zamanı alış-veriş çeklərinin üzərində olan QR kod vasitəsilə istehlakçılar ödədikləri ƏDV-nin bir hissəsini geri ala bilirlər. Bu, ödəniş POS-terminal vasitəsilə icra edilən hallarda mümkündür. Üstəlik, POS-terminalla ödəniş istehlakçılara keşbek kampaniyalarından aktiv yararlanmaq imkanı verir. Ödənişi POS-terminalla edən istehlakçılar əldə etdikləri məhsulu dəyişmək və ya geri qaytarmaq istədikləri zaman çek təqdim etməklə bunu rahat edə bilirlər. Beləliklə, müştərilər özləri də bu üstünlüklərdən faydalanmaq üçün POS-terminalla ödənişə çalışmalıdırlar.
Göründüyü kimi, müasir texnologiyalarla təchiz olunmuş POS-terminallardan istifadə həm müştərilərə daha yüksək xidmət keyfiyyəti təqdim etmək, həm də biznes sahibləri üçün əməliyyatların təhlükəsiz və şəffaf şəkildə aparılmasını təmin etmək üçün ən səmərəli ödəniş üsuludur.
Müasir dövrdə nağdsız ödənişlər gündəlik həyatımızın ayrılmaz hissəsinə çevrilib. Bu da öz növbəsində nağdsız ödənişlərin daha rahat üsullarının meydana çıxmasına şərait yaradıb. İnnovasiyaların geniş tətbiqi sayəsində indi təmassız ödənişləri mobil telefon, ağıllı saatlar və müxtəlif elektron qurğular vasitəsilə icra etmək mümkündür. İstehlakçılar arasında isə nağdsız ödənişlərin kartdan karta köçürülməsi və POS-terminalla qəbul edilməsi üsulları daha geniş yayılıb. Hər iki üsul rahat görünsə də, aralarındakı fərqlər maliyyə şəffaflığı, vergi uçotu və hüquqi təminat baxımından ciddi nəticələr doğura bilər. POS-terminal vasitəsilə ödənişlər kartdan karta köçürmələrlə müqayisədə daha sərfəli, etibarlı və təhlükəsizdir.
POS-terminal vasitəsilə ödənişlər biznes subyektinə etimadı artırır
Düzgün uçot sisteminin formalaşması, şəffaflıq və hesabatlılığın təmin edilməsi biznes subyektlərinin fəaliyyəti üçün mühüm şərtlərdir. POS-terminal vasitəsilə ödənişlər ticarət zamanı bütün əməliyyatların qeydə alınmasına və mühasibat uçotunun düzgün aparılmasına imkan verir. Bu, biznes sahibini hüquqi müstəvidə risklərdən sığortalayır və cərimələrdən xilas edir.
POS-terminal vasitəsilə ödənişlər ticarət zamanı bütün əməliyyatların qeydə alınmasına və mühasibat uçotunun düzgün aparılmasına imkan verir
İş dünyasında imic hər bir biznes subyekti üçün mühüm şərtdir. Müsbət imic müştərilərin artmasına və biznesin böyüməsinə ciddi təsir edir. Biznes subyekti rəqabətdə üstünlük qazanmaq üçün ödənişdən tutmuş məhsul keyfiyyətinə qədər bütün fəaliyyət zəncirində müştəriyönümlülük prinsipini əsas götürməlidir. Kartdan karta ödənişin istehlakçı hüquqlarının birbaşa pozulması olduğunu nəzərə alaraq, müştərinin POS-terminal vasitəsilə ödəniş etməsi üçün müvafiq infrastruktur yaratmaq lazımdır. Yəni sahibkar öz maraqları üçün istehlakçının hüquqlarını pozmamalıdır. İlk baxışdan bu, maliyyə üstünlüyü və gəlirlərin sərəncamda qalması kimi görünsə də, əslində, biznesin gələcəyi üçün ciddi təhlükədir. Kartdan karta ödəniş edilməsini tələb etmək maliyyə sanksiyası, etimadın itirilməsi və biznesin bazar mövqeyinin sarsılması ilə nəticələnə bilər.
Bir çox müştərilər nağdsız ödənişləri POS-terminaldan istifadə etməklə yerinə yetirməyin üstünlüklərindən xəbərdardırlar və belə müştərilər POS-terminalla təmin edilmiş ticarət mərkəzlərinə daha çox üstünlük verirlər. Beləliklə, POS-terminaldan istifadə ticarət nöqtəsinə məmnuniyyəti artırmağa kömək edir. Bu isə iş adamları üçün gəlirlərin artımı deməkdir. POS-terminal istifadə etməklə ticarət müəssisəsi müştərilərinə peşəkar və etibarlı xidmət göstərir. Kartdan karta ödəniş tələb etmək isə biznes barədə qeyri-peşəkar imic yaradır. POS-terminal vasitəsilə əməliyyatları asanlıqla izləmək və idarə etmək mümkündür ki, bu da biznesin idarə edilməsini sadələşdirir. Ödənişlərin qanunun tələbləri əsasında qəbulu, şəffaflıq, istehlakçı hüquqlarının qorunması, işgüzar etibar, loyallığın təminatı, hesabatlılıq və biznesi səmərəli idarəetmə kimi amillər POS-terminaldan istifadənin daha sərfəli olduğunu aydın şəkildə göstərir. Bu səbəbdən həm sahibkarlar, həm də müştərilər üçün nağdsız ödənişlərin daha müasir və etibarlı üsulu olan POS-terminaldan istifadə tövsiyə olunur.
POS-terminal vasitəsilə əməliyyatları asanlıqla izləmək və idarə etmək mümkündür ki, bu da biznesin idarə edilməsini sadələşdirir
POS-terminal vasitəsilə ödənişlər istehlakçılara əlavə gəlirlər vəd edir
POS-terminal vasitəsilə ödənişlər istehlakçılar üçün bir sıra üstünlüklərlə səciyyələnir. İlk növbədə belə formada ödəniş etdikdə müştərilərin bank kartı məlumatlarının şifrələnməsi və güvənli sistemlər tərəfindən qorunması təmin edilir. Bu, alıcıların şəxsi məlumatlarının və maliyyə vəsaitlərinin təhlükəsizliyini təmin edir. POS-terminal ödənişləri sürətli və asan şəkildə həyata keçirilir. Təhlükəsizlik, sürət, rahatlıq vəd edən bu ödənişlər həm də maddi üstünlüklər qazandırır. Məsələn, ölkəmizdə tətbiq edilən “ƏDV geri al” layihəsi zamanı alış-veriş çeklərinin üzərində olan QR kod vasitəsilə istehlakçılar ödədikləri ƏDV-nin bir hissəsini geri ala bilirlər. Bu, ödəniş POS-terminal vasitəsilə icra edilən hallarda mümkündür. Üstəlik, POS-terminalla ödəniş istehlakçılara keşbek kampaniyalarından aktiv yararlanmaq imkanı verir. Ödənişi POS-terminalla edən istehlakçılar əldə etdikləri məhsulu dəyişmək və ya geri qaytarmaq istədikləri zaman çek təqdim etməklə bunu rahat edə bilirlər. Beləliklə, müştərilər özləri də bu üstünlüklərdən faydalanmaq üçün POS-terminalla ödənişə çalışmalıdırlar.
Göründüyü kimi, müasir texnologiyalarla təchiz olunmuş POS-terminallardan istifadə həm müştərilərə daha yüksək xidmət keyfiyyəti təqdim etmək, həm də biznes sahibləri üçün əməliyyatların təhlükəsiz və şəffaf şəkildə aparılmasını təmin etmək üçün ən səmərəli ödəniş üsuludur.