az
Biznesə başlayanlar üçün vacib olan 10 əsas termin!
Biznesə başlayanlar üçün vacib olan 10 əsas termin!
Biznes sahəsi, spesifik bilik və anlayışlar tələb edən mürəkkəb bir fəaliyyət istiqamətidir. Bu sahədə uğur qazanmaq üçün zəruri biliklərə yiyələnmək, o cümlədən, tez-tez rast gəlinən anlayış və terminləri mənimsəmək vacibdir. Bu terminlərin düzgün anlaşılması, həm praktiki fəaliyyət zamanı qarşıya çıxan situasiyalarda düzgün qərar verməyə, həm də ümumi biznes mühitində effektiv kommunikasiya qurmağa imkan yaradır. Bu məqsədlə, sizə biznes mühitində ən çox istifadə olunan və hər bir sahibkarın bilməli olduğu 10 vacib termini təqdim edirik.
1. Birbaşa vergilər - Hüquqi və fiziki şəxslərin gəlirindən və ya əmlakından bilavasitə tutulan vergilər.
2. Amortizasiya - aktivlərin faydalı xidmət müddəti ərzində dəyərinin müntəzəm surətdə azalması.
3. VÖEN (vergi ödəyicisinin eyniləşdirmə nömrəsi) - Hər bir vergi ödəyicisinə qanunvericiliyə müvafiq qaydada dövlət qeydiyyatına alındığı zaman bütün vergilər üzrə, o cümlədən AR-in gömrük sərhədindən malların keçirilməsi ilə bağlı ödənişlər üzrə verilən və AR-in bütün ərazisində vahid olan nömrə.
4. Kommersiya əməliyyatları - Geniş mənada istənilən işgüzar, biznes əməliyyatları, ya da ki alqı-satqı əməliyyatları
5. Vençur biznes - adətən yüksək riskə malik yeni elmi-texniki layihələrin, eləcə də elmtutumlu sahələrdə müxtəlif istiqamətli riskli maliyyə əməliyyatlarının həyata keçirilməsi üzrə sahibkarlıq fəaliyyəti.
6. Lisenziya - Ayrı-ayrı şəxslərə və ya təşkilatlara müəyyən iş görmək üçün ixtiranı, biliyi, təcrübəni və s. istifadə etməyə görə icazə.
7. Barter əməliyyatları - xarici ticarətdə valyutasız mal mübadiləsi sövdələşməsidir.
8. Demping - malların digər ölkələrə öz ölkəsindəki qiymətindən (dəyərindən) aşağı qiymətə satışıdır.
9. Tara - malların xarici qablaşdırma (məs: yeşik, çəllək, kisə, konteyner, karton yeşiklər və s.) vasitələridir
10. Konsaltinq – müəssisə, firma və təşkilatların xarici iqtisadi fəaliyyətinin geniş məsələləri üzrə satıcıların məsləhətləşməsidir
Biznes sahəsi, spesifik bilik və anlayışlar tələb edən mürəkkəb bir fəaliyyət istiqamətidir. Bu sahədə uğur qazanmaq üçün zəruri biliklərə yiyələnmək, o cümlədən, tez-tez rast gəlinən anlayış və terminləri mənimsəmək vacibdir. Bu terminlərin düzgün anlaşılması, həm praktiki fəaliyyət zamanı qarşıya çıxan situasiyalarda düzgün qərar verməyə, həm də ümumi biznes mühitində effektiv kommunikasiya qurmağa imkan yaradır. Bu məqsədlə, sizə biznes mühitində ən çox istifadə olunan və hər bir sahibkarın bilməli olduğu 10 vacib termini təqdim edirik.
1. Birbaşa vergilər - Hüquqi və fiziki şəxslərin gəlirindən və ya əmlakından bilavasitə tutulan vergilər.
2. Amortizasiya - aktivlərin faydalı xidmət müddəti ərzində dəyərinin müntəzəm surətdə azalması.
3. VÖEN (vergi ödəyicisinin eyniləşdirmə nömrəsi) - Hər bir vergi ödəyicisinə qanunvericiliyə müvafiq qaydada dövlət qeydiyyatına alındığı zaman bütün vergilər üzrə, o cümlədən AR-in gömrük sərhədindən malların keçirilməsi ilə bağlı ödənişlər üzrə verilən və AR-in bütün ərazisində vahid olan nömrə.
4. Kommersiya əməliyyatları - Geniş mənada istənilən işgüzar, biznes əməliyyatları, ya da ki alqı-satqı əməliyyatları
5. Vençur biznes - adətən yüksək riskə malik yeni elmi-texniki layihələrin, eləcə də elmtutumlu sahələrdə müxtəlif istiqamətli riskli maliyyə əməliyyatlarının həyata keçirilməsi üzrə sahibkarlıq fəaliyyəti.
6. Lisenziya - Ayrı-ayrı şəxslərə və ya təşkilatlara müəyyən iş görmək üçün ixtiranı, biliyi, təcrübəni və s. istifadə etməyə görə icazə.
7. Barter əməliyyatları - xarici ticarətdə valyutasız mal mübadiləsi sövdələşməsidir.
8. Demping - malların digər ölkələrə öz ölkəsindəki qiymətindən (dəyərindən) aşağı qiymətə satışıdır.
9. Tara - malların xarici qablaşdırma (məs: yeşik, çəllək, kisə, konteyner, karton yeşiklər və s.) vasitələridir
10. Konsaltinq – müəssisə, firma və təşkilatların xarici iqtisadi fəaliyyətinin geniş məsələləri üzrə satıcıların məsləhətləşməsidir