Cəmlənmiş iş vaxtının uçotu ilə bağlı inzibati məsuliyyət hansı hallarda tətbiq olunur?

Cəmlənmiş iş vaxtının uçotu ilə bağlı inzibati məsuliyyət hansı hallarda tətbiq olunur?



İnzibati Xətalar Məcəlləsində edilən dəyişikliklərin bir qismi əmək qanunvericiliyi ilə bağlıdır. İnzibati Xətalar Məcəlləsinin 198.1.5-ci maddəsinə də dəyişiklik həyata keçirilib. İnzibati Xətalar Məcəlləsinə edilən dəyişikliklə bağlı Qanuna əsasən, 198.1.5-ci maddəyə “riayət edilməməsinə” sözlərindən sonra “, o cümlədən əmək qanunvericiliyinin tələbləri pozulmaqla işçinin iş vaxtından artıq işlərə cəlb edilməsinə” sözləri əlavə edilib. Beləliklə, İnzibati Xətalar Məcəlləsinin 198.1.5-ci maddəsinə əsasən, normal əmək və istirahət rejiminə riayət edilməməsi, o cümlədən əmək qanunvericiliyinin tələbləri pozulmaqla işçinin iş vaxtından artıq işlərə cəlb edilməsi halı da əməyin mühafizəsi qaydalarının pozulması kimi qiymətləndiriləcək.

Maddənin tələblərini izah edək: Əmək və Əhalinin Sosial Müdafiəsi Nazirliyi tərəfindən təsdiq olunan 2025-ci ilin istehsalat təqviminə əsasən, illik iş vaxtı norması 1903 manatdır, amma işəgötürənin hazırladığı növbə cədvəlinə görə işçinin illik iş vaxtı 1 910 saat təşkil edib. İşəgötürən tərəfindən işçinin əlavə 7 saatlıq işə cəlb edilməsi sırf növbə cədvəlində onun iş saatlarının düzgün qurulmaması nəticəsində baş verib. Dövlət Əmək Müfəttişliyi Xidməti həmin pozuntu aşkar edib. Dövlət qurumu tərəfindən əməyin mühafizəsi qaydalarının pozulmaqla işçinin iş vaxtından artıq işlərə cəlb edilməsi halına görə işəgötürənə İnzibati Xətalar Məcəlləsinin 198.1.5-ci maddəsinə uyğun olaraq beş yüz manatdan min manatadək məbləğdə cərimə tətbiq edilə bilər.