Toxumçuluq fəaliyyəti ilə məşğul olan fiziki şəxsin vergi güzəştləri

Toxumçuluq fəaliyyəti ilə məşğul olan fiziki şəxsin vergi güzəştləri



Fiziki şəxs toxumçu olaraq buğda və arpa əkir, sonra həmin məhsulun topdan və parakəndə satışını həyata keçirir. Bilmək istərdik ki, bu fəaliyyətlə məşğul olanlar 2025-2026-cı illər üzrə hansı vergilərdən azaddır?

İqtisadiyyat Nazirliyi yanında Dövlət Vergi Xidmətindən bildirilib ki, Vergi Məcəlləsinin 13.2.61-ci maddəsinə əsasən, kənd təsərrüfatı məhsullarının satışı – Vergi Məcəlləsinin məqsədləri üçün aşağıdakı tələblər çərçivəsində kənd təsərrüfatı məhsullarının təqdim edilməsi sayılır:

- Bitkiçilik məhsulları və digər kənd təsərrüfatı məhsulları təqdim edilərkən təbiətdə olduğu ilkin formasını saxlamalı, kimyəvi tərkibi dəyişdirilməməli, konservləşdirilməməlidir.

Bildirilib ki, fiziki şəxslərin bilavasitə kənd təsərrüfatı məhsullarının istehsalından (o cümlədən sənaye üsulu ilə) alınan gəlirləri gəlir vergisindən azad edilir.

Həmçinin, Vergi Məcəlləsinin 164.1.18-ci maddəsinə əsasən, kənd təsərrüfatı məhsullarının istehsalçıları (o cümlədən sənaye üsulu ilə) tərəfindən özlərinin istehsal etdikləri kənd təsərrüfatı məhsullarının satışı üzrə dövriyyələr - 2014-cü il yanvarın 1-dən 13 il müddətinə ƏDV-dən azaddır.