az
HPBHS çərçivəsində xarici subpodratçılara əlavə 10% vergi tətbiq edilmir
HPBHS çərçivəsində xarici subpodratçılara əlavə 10% vergi tətbiq edilmir
Dövlət Vergi Xidməti “Hasilatın Pay Bölgüsü Haqqında Sazişlər” (HPBHS) çərçivəsində fəaliyyət göstərən şirkətlərin xarici subpodratçılara etdiyi ödənişlərin vergiyə cəlb olunması ilə bağlı məsələyə aydınlıq gətirib. Qurum bildirib ki, HPBHS-lər üzrə tətbiq edilən xüsusi vergi rejimi ümumi vergi qanunvericiliyindən üstün hüquqi qüvvəyə malik olduğundan, bu sazişlərdə nəzərdə tutulan xüsusi qaydalar əsas götürülməlidir.
Açıqlamada qeyd olunub ki, Vergi Məcəlləsinin 2.7-ci maddəsinə əsasən, qanunla təsdiq edilmiş hasilatın pay bölgüsü haqqında sazişlərdə Vergi Məcəlləsi və digər normativ hüquqi aktlardan fərqli müddəalar müəyyən edildikdə, həmin sazişlərin müddəaları tətbiq edilir. Bu isə o deməkdir ki, karbohidrogen fəaliyyəti üzrə xüsusi protokollarla müəyyən edilmiş vergi qaydaları ümumi vergi normalarından üstün hesab olunur.
Qurum xüsusilə ACG layihəsi üzrə “Xarici subpodratçıların vergiyə cəlb olunması haqqında Protokol”un müddəalarına diqqət çəkib. Bildirilib ki, protokolun 1.1-ci bəndinə əsasən, karbohidrogen fəaliyyəti ilə bağlı Azərbaycan ərazisində iş və xidmətlər həyata keçirən xarici subpodratçıların əldə etdikləri ödənişlərin müəyyən hissəsi mənfəət kimi qəbul olunur və həmin məbləğə tətbiq edilən 25 faizlik mənfəət vergisi yekunda ödəniş mənbəyində tutulan 5 faizlik vergiyə bərabər hesab edilir.
Eyni zamanda, protokolun 1.2-ci bəndinə əsasən, həmin 5 faiz vergi istisna olmaqla xarici subpodratçılar karbohidrogen fəaliyyəti ilə bağlı digər bütün vergi və ödənişlərdən azad olunurlar. Bu səbəbdən, xarici subpodratçının güzəştli vergi tutulan ölkədə və ya ərazidə qeydiyyatda olub-olmamasından asılı olmayaraq əlavə 10 faiz ödəmə mənbəyində verginin tətbiqinə ehtiyac yaranmır.
Dövlət Vergi Xidməti vurğulayıb ki, “Xarici subpodratçıların vergiyə cəlb olunması haqqında Protokol”un tətbiq dairəsinə daxil olan hallarda xarici subpodratçılara edilən ödənişlərdən yalnız 5 faiz dərəcə ilə ödəmə mənbəyində vergi tutulmalıdır və əlavə vergi öhdəliyi yaranmır.
Dövlət Vergi Xidməti “Hasilatın Pay Bölgüsü Haqqında Sazişlər” (HPBHS) çərçivəsində fəaliyyət göstərən şirkətlərin xarici subpodratçılara etdiyi ödənişlərin vergiyə cəlb olunması ilə bağlı məsələyə aydınlıq gətirib. Qurum bildirib ki, HPBHS-lər üzrə tətbiq edilən xüsusi vergi rejimi ümumi vergi qanunvericiliyindən üstün hüquqi qüvvəyə malik olduğundan, bu sazişlərdə nəzərdə tutulan xüsusi qaydalar əsas götürülməlidir.
Açıqlamada qeyd olunub ki, Vergi Məcəlləsinin 2.7-ci maddəsinə əsasən, qanunla təsdiq edilmiş hasilatın pay bölgüsü haqqında sazişlərdə Vergi Məcəlləsi və digər normativ hüquqi aktlardan fərqli müddəalar müəyyən edildikdə, həmin sazişlərin müddəaları tətbiq edilir. Bu isə o deməkdir ki, karbohidrogen fəaliyyəti üzrə xüsusi protokollarla müəyyən edilmiş vergi qaydaları ümumi vergi normalarından üstün hesab olunur.
Qurum xüsusilə ACG layihəsi üzrə “Xarici subpodratçıların vergiyə cəlb olunması haqqında Protokol”un müddəalarına diqqət çəkib. Bildirilib ki, protokolun 1.1-ci bəndinə əsasən, karbohidrogen fəaliyyəti ilə bağlı Azərbaycan ərazisində iş və xidmətlər həyata keçirən xarici subpodratçıların əldə etdikləri ödənişlərin müəyyən hissəsi mənfəət kimi qəbul olunur və həmin məbləğə tətbiq edilən 25 faizlik mənfəət vergisi yekunda ödəniş mənbəyində tutulan 5 faizlik vergiyə bərabər hesab edilir.
Eyni zamanda, protokolun 1.2-ci bəndinə əsasən, həmin 5 faiz vergi istisna olmaqla xarici subpodratçılar karbohidrogen fəaliyyəti ilə bağlı digər bütün vergi və ödənişlərdən azad olunurlar. Bu səbəbdən, xarici subpodratçının güzəştli vergi tutulan ölkədə və ya ərazidə qeydiyyatda olub-olmamasından asılı olmayaraq əlavə 10 faiz ödəmə mənbəyində verginin tətbiqinə ehtiyac yaranmır.
Dövlət Vergi Xidməti vurğulayıb ki, “Xarici subpodratçıların vergiyə cəlb olunması haqqında Protokol”un tətbiq dairəsinə daxil olan hallarda xarici subpodratçılara edilən ödənişlərdən yalnız 5 faiz dərəcə ilə ödəmə mənbəyində vergi tutulmalıdır və əlavə vergi öhdəliyi yaranmır.