az
Hansı sənədləri təqdim etməyən işəgötürən 2500 manatadək cərimə olunacaq?
Hansı sənədləri təqdim etməyən işəgötürən 2500 manatadək cərimə olunacaq?
Dövlət Əmək Müfəttişliyi Xidməti (DƏMX) fərdi əmək mübahisələri zamanı işəgötürəndən bəzi sənədləri tələb edir. Bu iş vaxtının uçotu, məzuniyyət və əmək haqqı hesablanması və əmək qanunvericiliyinin tətbiqi ilə bağlı digər sənədləri əhatə edir. Qanunvericilikdə qeyd olunan sənədlərin hansı müddətdə təqdim edilməsi, həmçinin sənədlərdə məlumatların düzgünlüyü öhdəliyi ilə bağlı hər hansı inzibatı məsuliyyət nəzərdə tutulmurdu.
İnzibati Xətalar Məcəlləsində edilən son dəyişiklik işəgötürən tərəfindən həmin sənədlərin təqdim edilməsi halı ilə bağlı inzibati məsuliyyət formalaşdırılmasına hesablanıb. İnzibati Xətalar Məcəlləsinə əlavə edilən 539.3-cü maddəyə əsasən, əmək qanunvericiliyinə əməl olunmasına dövlət nəzarətini həyata keçirən müvafiq icra hakimiyyəti orqanının tələbi ilə bu Məcəllənin 539.1-1-ci maddəsində nəzərdə tutulan hallarla bağlı zəruri olan məlumatların (sənədlərin) təqdim edilməməsinə, yaxud tam, düzgün və ya vaxtında təqdim edilməməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olmaqla) görə – vəzifəli şəxslər min manatdan min beş yüz manatadək məbləğdə, hüquqi şəxslər iki min manatdan iki min beş yüz manatadək məbləğdə cərimə ediləcək.
Maddənin tələblərindən göründüyü kimi, işəgötürən tərəfindən həm zəruri məlumatların (sənədlərin) təqdim edilməməsinə, həm də onun tam, düzgün və ya vaxtında təqdim edilməməsinə görə cərimə nəzərdə tutulur.
Dövlət Əmək Müfəttişliyi Xidməti (DƏMX) fərdi əmək mübahisələri zamanı işəgötürəndən bəzi sənədləri tələb edir. Bu iş vaxtının uçotu, məzuniyyət və əmək haqqı hesablanması və əmək qanunvericiliyinin tətbiqi ilə bağlı digər sənədləri əhatə edir. Qanunvericilikdə qeyd olunan sənədlərin hansı müddətdə təqdim edilməsi, həmçinin sənədlərdə məlumatların düzgünlüyü öhdəliyi ilə bağlı hər hansı inzibatı məsuliyyət nəzərdə tutulmurdu.
İnzibati Xətalar Məcəlləsində edilən son dəyişiklik işəgötürən tərəfindən həmin sənədlərin təqdim edilməsi halı ilə bağlı inzibati məsuliyyət formalaşdırılmasına hesablanıb. İnzibati Xətalar Məcəlləsinə əlavə edilən 539.3-cü maddəyə əsasən, əmək qanunvericiliyinə əməl olunmasına dövlət nəzarətini həyata keçirən müvafiq icra hakimiyyəti orqanının tələbi ilə bu Məcəllənin 539.1-1-ci maddəsində nəzərdə tutulan hallarla bağlı zəruri olan məlumatların (sənədlərin) təqdim edilməməsinə, yaxud tam, düzgün və ya vaxtında təqdim edilməməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olmaqla) görə – vəzifəli şəxslər min manatdan min beş yüz manatadək məbləğdə, hüquqi şəxslər iki min manatdan iki min beş yüz manatadək məbləğdə cərimə ediləcək.
Maddənin tələblərindən göründüyü kimi, işəgötürən tərəfindən həm zəruri məlumatların (sənədlərin) təqdim edilməməsinə, həm də onun tam, düzgün və ya vaxtında təqdim edilməməsinə görə cərimə nəzərdə tutulur.