az
Qızıl satışı ilə məşğul olmaq istəyən şəxs hansı vergiləri ödəməlidir?
Qızıl satışı ilə məşğul olmaq istəyən şəxs hansı vergiləri ödəməlidir?
Qızıl, zərgərlik məmulatları və almaz satışı sahibkarlıq fəaliyyəti hesab edildiyindən, bu fəaliyyətə başlamazdan əvvəl fiziki şəxs vergi orqanında uçota alınmalı və VÖEN əldə etməlidir. Vergi uçotuna alınma Vergi Məcəlləsinin 33.4-cü maddəsinin tələblərinə uyğun olaraq həyata keçirilir.
Qızıl və digər zərgərlik məhsullarının satışı ilə məşğul olan şəxslər üçün xüsusi vergitutma qaydası tətbiq olunur. Belə ki, Vergi Məcəlləsinin 218.5.11-ci maddəsinə əsasən, qızıl, ondan hazırlanmış zərgərlik və digər məişət məmulatlarının, eləcə də almazın satışını həyata keçirən şəxslərin sadələşdirilmiş verginin ödəyicisi olmaq hüququ yoxdur. Bu səbəbdən həmin şəxslər gəlir vergisinin ödəyicisi kimi fəaliyyət göstərməlidirlər.
Gəlir vergisi hesablanarkən satışdan əldə olunan gəlirdən həmin gəlirin əldə edilməsi ilə bağlı sənədlərlə təsdiq edilmiş xərclər çıxılır və qalan mənfəət məbləğinə 20 faiz dərəcə ilə vergi tətbiq edilir. Əgər sahibkar mikro sahibkarlıq subyekti hesab olunursa, yəni işçilərinin orta siyahı sayı 1–10 nəfər arasında və illik gəliri 200.000 manatdan çox deyilsə, gəlir və xərclərin uçotunu aparmaq şərti ilə gəlir vergisi üzrə 75 faiz güzəştdən yararlana bilər.
Bundan əlavə, fəaliyyətin həcmi və qanunvericiliyin tələblərindən asılı olaraq ƏDV üzrə qeydiyyat öhdəliyi də yarana bilər. Buna görə vergi öhdəlikləri sahibkarın seçdiyi vergitutma sisteminə və fəaliyyətinin xüsusiyyətlərinə uyğun olaraq müəyyən edilir.
Əsas: Vergi Məcəlləsinin 33.4 və 218.5.11-ci maddələri.
Qızıl, zərgərlik məmulatları və almaz satışı sahibkarlıq fəaliyyəti hesab edildiyindən, bu fəaliyyətə başlamazdan əvvəl fiziki şəxs vergi orqanında uçota alınmalı və VÖEN əldə etməlidir. Vergi uçotuna alınma Vergi Məcəlləsinin 33.4-cü maddəsinin tələblərinə uyğun olaraq həyata keçirilir.
Qızıl və digər zərgərlik məhsullarının satışı ilə məşğul olan şəxslər üçün xüsusi vergitutma qaydası tətbiq olunur. Belə ki, Vergi Məcəlləsinin 218.5.11-ci maddəsinə əsasən, qızıl, ondan hazırlanmış zərgərlik və digər məişət məmulatlarının, eləcə də almazın satışını həyata keçirən şəxslərin sadələşdirilmiş verginin ödəyicisi olmaq hüququ yoxdur. Bu səbəbdən həmin şəxslər gəlir vergisinin ödəyicisi kimi fəaliyyət göstərməlidirlər.
Gəlir vergisi hesablanarkən satışdan əldə olunan gəlirdən həmin gəlirin əldə edilməsi ilə bağlı sənədlərlə təsdiq edilmiş xərclər çıxılır və qalan mənfəət məbləğinə 20 faiz dərəcə ilə vergi tətbiq edilir. Əgər sahibkar mikro sahibkarlıq subyekti hesab olunursa, yəni işçilərinin orta siyahı sayı 1–10 nəfər arasında və illik gəliri 200.000 manatdan çox deyilsə, gəlir və xərclərin uçotunu aparmaq şərti ilə gəlir vergisi üzrə 75 faiz güzəştdən yararlana bilər.
Bundan əlavə, fəaliyyətin həcmi və qanunvericiliyin tələblərindən asılı olaraq ƏDV üzrə qeydiyyat öhdəliyi də yarana bilər. Buna görə vergi öhdəlikləri sahibkarın seçdiyi vergitutma sisteminə və fəaliyyətinin xüsusiyyətlərinə uyğun olaraq müəyyən edilir.
Əsas: Vergi Məcəlləsinin 33.4 və 218.5.11-ci maddələri.