az
en
ru
tr
Dövlət satınalmalarında SİMA İmza istifadəsi genişləndirildi – YENİLİK
Prezident yanında Antiinhisar və İstehlak Bazarına Nəzarət Dövlət Agentliyi tərəfindən Dövlət satınalmalarının vahid internet portalında sənədlərin SİMA İmza vasitəsilə elektron qaydada imzalanması imkanı yaradılıb.
AZE Finance xəbər verir ki, yeni imkan dövlət satınalmaları prosesində elektron sənəd dövriyyəsinin daha da təkmilləşdirilməsi və istifadəçilər üçün yaradılan elektron xidmətlərin genişləndirilməsi məqsədi daşıyır.
İndiyədək Dövlət satınalmalarının vahid internet portalında sənədlərin elektron şəkildə imzalanması zamanı ASAN İmza və SİMA Token-dən istifadə etmək mümkün idi. Artıq mövcud elektron imza vasitələri ilə yanaşı, SİMA İmzadan da istifadə imkanının yaradılması portal istifadəçiləri üçün əlavə seçim formalaşdırıb.
Hazırda təchizatçı şirkət rəhbərinin şirkətin maliyyə hesabatını, həmçinin Dövlət Vergi Xidmətindən arayışın əldə olunması ilə bağlı müraciəti SİMA İmza vasitəsilə elektron şəkildə imzalaması mümkündür. Bununla da istifadəçilər müvafiq sənədləri imzalamaq üçün daha rahat və çevik elektron həllərdən yararlana biləcəklər.
Yeni imkanın tətbiqi dövlət satınalmalarında sənədlərin elektron imzalanması prosesinin sadələşdirilməsinə və bu istiqamətdə aparılan əməliyyatların daha sürətli həyata keçirilməsinə şərait yaradır. Eyni zamanda, satınalma iştirakçılarının sənədlərin imzalanması üçün sərf etdiyi vaxtın azaldılması və inzibati yükün minimuma endirilməsi baxımından da yenilik əhəmiyyət daşıyır.
Elektron imza vasitələrinin sayının artırılması portal istifadəçilərinə öz ehtiyaclarına və imkanlarına uyğun imza üsulunu seçmək imkanı verir. Bu isə dövlət satınalmaları sahəsində elektron xidmətlərin istifadəsini daha əlçatan etməklə yanaşı, proseslərin rəqəmsal mühitdə daha çevik şəkildə həyata keçirilməsinə imkan yaradır.
Qeyd edək ki, dövlət satınalmaları üzrə elektron xidmətlərin inkişaf etdirilməsi satınalma proseslərinin daha şəffaf, operativ və rahat şəkildə həyata keçirilməsinə yönəlib. SİMA İmza imkanının portala əlavə edilməsi də bu istiqamətdə atılan addımlardan biri kimi qiymətləndirilə bilər.
Prezident yanında Antiinhisar və İstehlak Bazarına Nəzarət Dövlət Agentliyi tərəfindən Dövlət satınalmalarının vahid internet portalında sənədlərin SİMA İmza vasitəsilə elektron qaydada imzalanması imkanı yaradılıb.
AZE Finance xəbər verir ki, yeni imkan dövlət satınalmaları prosesində elektron sənəd dövriyyəsinin daha da təkmilləşdirilməsi və istifadəçilər üçün yaradılan elektron xidmətlərin genişləndirilməsi məqsədi daşıyır.
İndiyədək Dövlət satınalmalarının vahid internet portalında sənədlərin elektron şəkildə imzalanması zamanı ASAN İmza və SİMA Token-dən istifadə etmək mümkün idi. Artıq mövcud elektron imza vasitələri ilə yanaşı, SİMA İmzadan da istifadə imkanının yaradılması portal istifadəçiləri üçün əlavə seçim formalaşdırıb.
Hazırda təchizatçı şirkət rəhbərinin şirkətin maliyyə hesabatını, həmçinin Dövlət Vergi Xidmətindən arayışın əldə olunması ilə bağlı müraciəti SİMA İmza vasitəsilə elektron şəkildə imzalaması mümkündür. Bununla da istifadəçilər müvafiq sənədləri imzalamaq üçün daha rahat və çevik elektron həllərdən yararlana biləcəklər.
Yeni imkanın tətbiqi dövlət satınalmalarında sənədlərin elektron imzalanması prosesinin sadələşdirilməsinə və bu istiqamətdə aparılan əməliyyatların daha sürətli həyata keçirilməsinə şərait yaradır. Eyni zamanda, satınalma iştirakçılarının sənədlərin imzalanması üçün sərf etdiyi vaxtın azaldılması və inzibati yükün minimuma endirilməsi baxımından da yenilik əhəmiyyət daşıyır.
Elektron imza vasitələrinin sayının artırılması portal istifadəçilərinə öz ehtiyaclarına və imkanlarına uyğun imza üsulunu seçmək imkanı verir. Bu isə dövlət satınalmaları sahəsində elektron xidmətlərin istifadəsini daha əlçatan etməklə yanaşı, proseslərin rəqəmsal mühitdə daha çevik şəkildə həyata keçirilməsinə imkan yaradır.
Qeyd edək ki, dövlət satınalmaları üzrə elektron xidmətlərin inkişaf etdirilməsi satınalma proseslərinin daha şəffaf, operativ və rahat şəkildə həyata keçirilməsinə yönəlib. SİMA İmza imkanının portala əlavə edilməsi də bu istiqamətdə atılan addımlardan biri kimi qiymətləndirilə bilər.