az
Vergi Məcəlləsinə edilmiş əlavə və dəyişikliklər
Vergi Məcəlləsinə edilmiş əlavə və dəyişikliklər
Məlum olduğu kimi, Azərbaycan Respublikasının 16 dekabr 2024-cü il tarixli 98-VII QD nömrəli Qanunu ilə Vergi Məcəlləsinə bir sıra əlavə və dəyişikliklər edilmişdir.
Belə ki, edilmiş dəyişikliyə əsasən artıq vergi ödəyicisinin vergi orqanında uçota alınmış bir və ya bir neçə təsərrüfat subyekti (obyekti) olduğu halda Vergi Məcəlləsinin 16.1.11-11-ci maddəsində nəzərdə tutulan məlumat forması vergi orqanına təqdim edilməyəcəkdir. Bu halda idxal edilmiş mallar həmin təsərrüfat subyektinə (obyektinə) və ya təsərrüfat subyektlərinə (obyektlərinə) boşaldılmış hesab olunacaqdır. (16.1.11-11-ci maddə)
Onu da nəzərinizə çatdırırıq ki, qeyd olunan maddəyə edilmiş digər dəyişikliyə əsasən müvafiq tələblər qeyri-sahibkarlıq və şəxsi istifadə üçün idxal olunan mallara şamil edilməyəcəkdir.
Bununla yanaşı dövlət−özəl tərəfdaşlığı layihələri üzrə özəl tərəfdaş olan, habelə dövlətin satınalma öhdəliyi ilə bərpa olunan enerji mənbələrindən istifadə edilməklə, Azərbaycan Respublikasının Nazirlər Kabinetinin müəyyən etdiyi məbləğdən aşağı olmayan elektrik enerjisi istehsalı layihələri üzrə istehsalçı olan hüquqi və fiziki şəxslərin şəxslərin həmin layihələr üzrə əldə etdikləri mənfəət (gəlir) 2025-ci ilin yanvarın 1-dən müvafiq olaraq “Dövlət-özəl tərəfdaşlığı haqqında” Azərbaycan Respublikasının Qanununa uyğun olaraq bağlanılmış dövlət-özəl tərəfdaşlığı müqaviləsində və ya “Elektrik enerjisi istehsalında bərpa olunan enerji mənbələrindən istifadə haqqında” Azərbaycan Respublikasının Qanununa uyğun olaraq bağlanılmış elektrik enerjisinin satınalma müqaviləsi ilə müəyyən olunan müddətə, lakin 30 ildən (tikinti dövrü də daxil olmaqla) çox olmayaraq mənfəət (gəlir) vergisindən azad edilmişdir. (102.1.44-cı və 106.1.35-ci maddələr)
Bununla yanaşı qeyd olunan fəaliyyət çərçivəsində fərdi sahibkarlar və hüquqi şəxslər tərəfindən elektrik enerjisi istehsalı layihələrinə münasibətdə Energetika Nazirliyi, digər layihələrə münasibətdə isə dövlət tərəfdaşı kimi müəyyən edilən qurumun müvafiq təsdiqedici sənədi əsasında texnikanın, texnoloji avadanlıqların və qurğuların idxalı eyni qaydada və müddətdə ƏDV-dən, həmin layihələr çərçivəsində istifadə olunan əmlaka və torpağa görə də müvafiq olaraq əmlak və torpaq vergilərini ödəməkdən azad edilmişdir. (164.1.63-cü, 199.22-ci və 207.13-cü maddələr)
Məlum olduğu kimi, Azərbaycan Respublikasının 16 dekabr 2024-cü il tarixli 98-VII QD nömrəli Qanunu ilə Vergi Məcəlləsinə bir sıra əlavə və dəyişikliklər edilmişdir.
Belə ki, edilmiş dəyişikliyə əsasən artıq vergi ödəyicisinin vergi orqanında uçota alınmış bir və ya bir neçə təsərrüfat subyekti (obyekti) olduğu halda Vergi Məcəlləsinin 16.1.11-11-ci maddəsində nəzərdə tutulan məlumat forması vergi orqanına təqdim edilməyəcəkdir. Bu halda idxal edilmiş mallar həmin təsərrüfat subyektinə (obyektinə) və ya təsərrüfat subyektlərinə (obyektlərinə) boşaldılmış hesab olunacaqdır. (16.1.11-11-ci maddə)
Onu da nəzərinizə çatdırırıq ki, qeyd olunan maddəyə edilmiş digər dəyişikliyə əsasən müvafiq tələblər qeyri-sahibkarlıq və şəxsi istifadə üçün idxal olunan mallara şamil edilməyəcəkdir.
Bununla yanaşı dövlət−özəl tərəfdaşlığı layihələri üzrə özəl tərəfdaş olan, habelə dövlətin satınalma öhdəliyi ilə bərpa olunan enerji mənbələrindən istifadə edilməklə, Azərbaycan Respublikasının Nazirlər Kabinetinin müəyyən etdiyi məbləğdən aşağı olmayan elektrik enerjisi istehsalı layihələri üzrə istehsalçı olan hüquqi və fiziki şəxslərin şəxslərin həmin layihələr üzrə əldə etdikləri mənfəət (gəlir) 2025-ci ilin yanvarın 1-dən müvafiq olaraq “Dövlət-özəl tərəfdaşlığı haqqında” Azərbaycan Respublikasının Qanununa uyğun olaraq bağlanılmış dövlət-özəl tərəfdaşlığı müqaviləsində və ya “Elektrik enerjisi istehsalında bərpa olunan enerji mənbələrindən istifadə haqqında” Azərbaycan Respublikasının Qanununa uyğun olaraq bağlanılmış elektrik enerjisinin satınalma müqaviləsi ilə müəyyən olunan müddətə, lakin 30 ildən (tikinti dövrü də daxil olmaqla) çox olmayaraq mənfəət (gəlir) vergisindən azad edilmişdir. (102.1.44-cı və 106.1.35-ci maddələr)
Bununla yanaşı qeyd olunan fəaliyyət çərçivəsində fərdi sahibkarlar və hüquqi şəxslər tərəfindən elektrik enerjisi istehsalı layihələrinə münasibətdə Energetika Nazirliyi, digər layihələrə münasibətdə isə dövlət tərəfdaşı kimi müəyyən edilən qurumun müvafiq təsdiqedici sənədi əsasında texnikanın, texnoloji avadanlıqların və qurğuların idxalı eyni qaydada və müddətdə ƏDV-dən, həmin layihələr çərçivəsində istifadə olunan əmlaka və torpağa görə də müvafiq olaraq əmlak və torpaq vergilərini ödəməkdən azad edilmişdir. (164.1.63-cü, 199.22-ci və 207.13-cü maddələr)