az
en
ru
tr
Kriptovalyuta P2P ticarətindən əldə olunan gəlirlər necə vergiyə cəlb edilir?
Vergi Məcəlləsinin 99.3.8-ci maddəsinə əsasən, vergi ödəyicisinin aktivlərinin ilkin qiymətinin artdığını göstərən hər hansı digər gəlir əməkhaqqından başqa onun qeyri-sahibkarlıq fəaliyyətindən əldə olunan gəliri hesab olunur. Bu baxımdan, kriptovalyuta əməliyyatlarından gəlir əldə edən fiziki şəxslər vergi orqanlarında uçota alınmalı, VÖEN əldə etməli və qanunvericiliklə müəyyən edilmiş qaydada gəlirlərini bəyan etməlidirlər.
Kriptovalyuta əməliyyatlarından əldə olunan gəlirlər üzrə Vergi Məcəlləsinin 101.2-ci maddəsinə uyğun olaraq 14 faiz dərəcə ilə gəlir vergisi hesablanır. Vergi ödəyicisi əldə etdiyi gəlirlər barədə növbəti ilin mart ayının 31-dən gec olmayaraq “Gəlir vergisinin bəyannaməsi”ni vergi orqanına təqdim etməli və hesablanmış vergini dövlət büdcəsinə ödəməlidir.
Qanunvericiliyə əsasən, gəlirin əldə edildiyi vaxt kriptovalyutanın təqdim olunduğu tarix hesab edilir. Vergiyə cəlb olunan məbləğ isə bank hesabına daxil olan ümumi dövriyyə deyil, kriptovalyutanın alındığı tarixdəki dəyəri ilə təqdim edildiyi tarixdəki dəyəri arasındakı qiymət fərqindən yaranan gəlirdir. Bu səbəbdən P2P formatında yüksək dövriyyənin olması verginin həmin məbləğdən hesablanması anlamına gəlmir.
Bununla yanaşı, vergi ödəyicisi tərəfindən kriptovalyuta alqı-satqısı üzrə həyata keçirilən bütün nağdsız ödəniş əməliyyatları Vergi Məcəlləsinin 35-ci maddəsinə uyğun olaraq vergi orqanlarında açılmış bank hesabları vasitəsilə aparılmalıdır.
"Sosial sığorta haqqında" Qanunun 15-ci maddəsinə əsasən, muzdlu işə və sahibkarlıq fəaliyyətinə aid olmayan gəlirlər üzrə məcburi dövlət sosial sığorta haqqı hesablanmır. Eyni zamanda, "Tibbi sığorta haqqında" Qanunun müddəalarına əsasən, kriptovalyuta əməliyyatlarından qeyri-sahibkarlıq gəliri əldə edən fiziki şəxslər üçün icbari tibbi sığorta haqqının ödənilməsi də qanunvericilikdə nəzərdə tutulmayıb.
Vergi Məcəlləsinin 99.3.8-ci maddəsinə əsasən, vergi ödəyicisinin aktivlərinin ilkin qiymətinin artdığını göstərən hər hansı digər gəlir əməkhaqqından başqa onun qeyri-sahibkarlıq fəaliyyətindən əldə olunan gəliri hesab olunur. Bu baxımdan, kriptovalyuta əməliyyatlarından gəlir əldə edən fiziki şəxslər vergi orqanlarında uçota alınmalı, VÖEN əldə etməli və qanunvericiliklə müəyyən edilmiş qaydada gəlirlərini bəyan etməlidirlər.
Kriptovalyuta əməliyyatlarından əldə olunan gəlirlər üzrə Vergi Məcəlləsinin 101.2-ci maddəsinə uyğun olaraq 14 faiz dərəcə ilə gəlir vergisi hesablanır. Vergi ödəyicisi əldə etdiyi gəlirlər barədə növbəti ilin mart ayının 31-dən gec olmayaraq “Gəlir vergisinin bəyannaməsi”ni vergi orqanına təqdim etməli və hesablanmış vergini dövlət büdcəsinə ödəməlidir.
Qanunvericiliyə əsasən, gəlirin əldə edildiyi vaxt kriptovalyutanın təqdim olunduğu tarix hesab edilir. Vergiyə cəlb olunan məbləğ isə bank hesabına daxil olan ümumi dövriyyə deyil, kriptovalyutanın alındığı tarixdəki dəyəri ilə təqdim edildiyi tarixdəki dəyəri arasındakı qiymət fərqindən yaranan gəlirdir. Bu səbəbdən P2P formatında yüksək dövriyyənin olması verginin həmin məbləğdən hesablanması anlamına gəlmir.
Bununla yanaşı, vergi ödəyicisi tərəfindən kriptovalyuta alqı-satqısı üzrə həyata keçirilən bütün nağdsız ödəniş əməliyyatları Vergi Məcəlləsinin 35-ci maddəsinə uyğun olaraq vergi orqanlarında açılmış bank hesabları vasitəsilə aparılmalıdır.
"Sosial sığorta haqqında" Qanunun 15-ci maddəsinə əsasən, muzdlu işə və sahibkarlıq fəaliyyətinə aid olmayan gəlirlər üzrə məcburi dövlət sosial sığorta haqqı hesablanmır. Eyni zamanda, "Tibbi sığorta haqqında" Qanunun müddəalarına əsasən, kriptovalyuta əməliyyatlarından qeyri-sahibkarlıq gəliri əldə edən fiziki şəxslər üçün icbari tibbi sığorta haqqının ödənilməsi də qanunvericilikdə nəzərdə tutulmayıb.