Vergi ödəyicisinin bank hesabında məlumatlar verginin hesablanmasına əsas bilər?

Vergi Məcəlləsinin 67.1-ci maddəsinə əsasən, Məcəllənin 37.4-cü və 50.1.1-ci maddələrində göstərilən hallarda, habelə səyyar vergi yoxlamasının aparılması zamanı sənədlər təqdim edilmədikdə, ərazi və ya binalara (yaşayış binası (sahəsi) istisna olmaqla) daxil olmağa icazə verilmədikdə, mühasibat uçotunu aparmadıqda və ya mühasibat uçotunu müəyyən edilmiş qaydada aparmadıqda, uçotu və hesabat sənədləri məhv olunduqda (itirildikdə), həmçinin vergitutma obyektinin müəyyənləşdirilməsi hər hansı başqa səbəblərdən mümkün olmadıqda, vergi orqanlarının ödənilməli olan verginin məbləğini aşağıda göstərilən əlaqəli məlumatlardan istifadə etməklə hesablamaq hüququ var.

- vergi ödəyicisinin bank hesablarındakı vəsaitlər, o cümlədən bank hesablarındakı vəsaitlərin hərəkəti barədə alınan rəsmi məlumatlar (Maddə 67.1.7.)

Mİsal. Vergi ödəyicisi sadələşdirilmiş vergi bəyannaməsində rüb ərzində təqdim edilən hasilatdan 2000 manat məbləğində gəliri olduğunu qeyd edib. Amma vergi orqanı bankdan aldığı məlumata əsasən aşkara çıxarıb ki, vergi ödəyicisinin bank hesabına hesabat rübü ərzində 12 500 manat vəsait daxil olub. Vergi orqanı həmin vəsaitin avans, yoxsa gəlir olması haqqında vergi ödəyicisindən izahat tələb edə bilər. Vergi orqanı vergi ödəyicisindən lazımi məlumat əldə edə bilmədikdə, bank məlumatlarından verginin hesablanmasında əlaqəli məlumat kimi istifadə edə bilər.