az
Bu gündən xəstəlik vərəqələri yalnız elektron qaydada veriləcək
Bu gündən xəstəlik vərəqələri yalnız elektron qaydada veriləcək
1 may 2025-ci il tarixindən etibarən əmək qabiliyyətinin itirilməsinə görə xəstəlik vərəqəsinin elektron sənəd formasında tərtib olunması həyata keçiriləcək. Azərbaycan Respublikası Nazirlər Kabinetinin 1993-cü il 8 yanvar tarixli 9 nömrəli qərarına əsasən sığortaolunanlar üçün xəstəlik vərəqələri, onları tərtib etmək hüququna malik olan tibb müəssisələrinin həkimləri tərəfindən elektron sənəd formasında tərtib edilməlidir.
Maraqlıdır ki, elektron sənəd formasında hazırlanan xəstəlik vərəqələri üzrə haqq-hesab cədvəlinin tərtibi necə həyata keçiriləcək? Tibb müəssisələri tərəfindən xəstəlik vərəqələri e-imza ilə təsdiq edilərək, işəgötürənə və Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fonduna (DSMF) e-qaydada göndəriləcək. Həmin e-sənəd DSMF tərəfindən işçiyə müvəqqəti əmək qabiliyyətinin itirilməsinə və hamiləliyə, doğuma görə müavinətlərin təyinatı üçün əsas olacaq.
Tibb müəssisə tərəfindən işçi üçün xəstəlik vərəqəsi yaradıldıqda ƏMAS altsistemində “xəstəlik vərəqəsinin reyestri” bölməsində bildiriş kimi qeyd ediləcək. Xəstəlik vərəqəsi üzrə müddət başa çatdıqdan həmin məlumatlar bildiriş formasında yox xəstəlik vərəqəsi üzrə məlumatlarda əks olunacaq. Qeyd edək ki, işəgötürən 1 may 2025-ci il tarixdən sonra işçinin əmək qabiliyyətinin müvəqqəti itirilməsi ilə bağlı haqq-hesab cədvəlini tərtib etdikdə əmək qabiliyyətini müvəqqəti itirənlər üçün kağız formada xəstəlik formasını yükləməsinə icazə verilməyəcək. İşəgötürən əmək qabiliyyətini müvəqqəti itirən işçi üzrə FİN-i DSMF-ə təqdim ediləcək haqq-hesab cədvəlinə daxil etdikdə xəstəlik vərəqələri üzrə məlumatlar avtomatik olaraq həmin hesabatda əks olunacaq.
Digər məqam ondan ibarətdir ki, elektron xəstəlik vərəqəsinin tərtib olunması üçün səlahiyyətli həkimlər “Sima” hüquqi imza və VSİS sisteminə giriş hüququ əldə etməlidirlər. 1 may 2025-ci il tarixdən etibarən tibb müəssisələri tərəfindən kağız daşıyıcılarda tərtib olunmuş xəstəlik vərəqələri etibarsız hesab ediləcək və DSMF tərəfindən qəbul olunmayacaq.
1 may 2025-ci il tarixindən etibarən əmək qabiliyyətinin itirilməsinə görə xəstəlik vərəqəsinin elektron sənəd formasında tərtib olunması həyata keçiriləcək. Azərbaycan Respublikası Nazirlər Kabinetinin 1993-cü il 8 yanvar tarixli 9 nömrəli qərarına əsasən sığortaolunanlar üçün xəstəlik vərəqələri, onları tərtib etmək hüququna malik olan tibb müəssisələrinin həkimləri tərəfindən elektron sənəd formasında tərtib edilməlidir.
Maraqlıdır ki, elektron sənəd formasında hazırlanan xəstəlik vərəqələri üzrə haqq-hesab cədvəlinin tərtibi necə həyata keçiriləcək? Tibb müəssisələri tərəfindən xəstəlik vərəqələri e-imza ilə təsdiq edilərək, işəgötürənə və Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fonduna (DSMF) e-qaydada göndəriləcək. Həmin e-sənəd DSMF tərəfindən işçiyə müvəqqəti əmək qabiliyyətinin itirilməsinə və hamiləliyə, doğuma görə müavinətlərin təyinatı üçün əsas olacaq.
Tibb müəssisə tərəfindən işçi üçün xəstəlik vərəqəsi yaradıldıqda ƏMAS altsistemində “xəstəlik vərəqəsinin reyestri” bölməsində bildiriş kimi qeyd ediləcək. Xəstəlik vərəqəsi üzrə müddət başa çatdıqdan həmin məlumatlar bildiriş formasında yox xəstəlik vərəqəsi üzrə məlumatlarda əks olunacaq. Qeyd edək ki, işəgötürən 1 may 2025-ci il tarixdən sonra işçinin əmək qabiliyyətinin müvəqqəti itirilməsi ilə bağlı haqq-hesab cədvəlini tərtib etdikdə əmək qabiliyyətini müvəqqəti itirənlər üçün kağız formada xəstəlik formasını yükləməsinə icazə verilməyəcək. İşəgötürən əmək qabiliyyətini müvəqqəti itirən işçi üzrə FİN-i DSMF-ə təqdim ediləcək haqq-hesab cədvəlinə daxil etdikdə xəstəlik vərəqələri üzrə məlumatlar avtomatik olaraq həmin hesabatda əks olunacaq.
Digər məqam ondan ibarətdir ki, elektron xəstəlik vərəqəsinin tərtib olunması üçün səlahiyyətli həkimlər “Sima” hüquqi imza və VSİS sisteminə giriş hüququ əldə etməlidirlər. 1 may 2025-ci il tarixdən etibarən tibb müəssisələri tərəfindən kağız daşıyıcılarda tərtib olunmuş xəstəlik vərəqələri etibarsız hesab ediləcək və DSMF tərəfindən qəbul olunmayacaq.