az
Minimum saatlıq əmək haqqının tətbiqi ilə bağlı 5 VACİB MƏQAM
Minimum saatlıq əmək haqqının tətbiqi ilə bağlı 5 VACİB MƏQAM
Ekspertlər minimum saatlıq əmək haqqının tətbiq ilə bağlı bəzi vacib məqamlara aydınlıq gətirib.
Birinci məqam. Minimum saatlıq əmək haqqının tətbiqinin cari işçilərin əmək haqqı məbləğinə hər hansı təsiri olmayacaq. İşəgötürənlər tərəfindən minimum saatlıq əmək haqqının tətbiqi müəyyən meyarlara uyğun gələn və yeni bağlanan əmək müqavilələrinə tətbiq ediləcək.
İkinci məqam. Əmək Məcəlləsində işçilərə minimim əmək haqqıdan aşağı məbləğin verilməməsi ilə bağlı tələblər olduğu kimi, təklif edilən dəyişikliyə əsasən, işəgötürənlər qanunvericiliklə müəyyən edilən minimum saatlıq əmək haqqıdan aşağı saatlıq əmək haqqı müəyyən etmək səlahiyyətlərinə malik olmayacaqlar.
Üçüncü məqam. Minimum saatlıq əmək haqqının qisa müddətə (ilkin layihədə 1 aylıq müddət nəzərdə tutulur) bağlanan və həftəlik iş norması 20 saatdan aşağı olan şəxslərə tətbiq edilməsi nəzərdə tutulub. Misal üçün, işəgötürən işə tam iş vaxtı ilə işçi qəbul edərsə, o zaman minimum saatlıq yox, minimum aylıq əmək haqqı üzrə tələbləri nəzərə almalıdır.
Dördüncü məqam. Layihədə nəzərdə tutulub ki, minimum saatlıq əmək haqqının məbləği cari saatlıq əmək haqqı məbləğindən daha yüksək olsun. 2025-ci il istehsalat təqviminə əsasən, 2025-ci ilin may ayında 158 saat iş norması müəyyən edilib. 1 yanvar 2025-ci il tarixdən minimum əmək haqqının 400 manat olmasını nəzərə alsaq, tam iş vaxtı ilə çalışan işçi üzrə saatlıq əmək haqqının minimum məbləği 2,53 manatdan (400 manat (minimum əmək haqqı) / 158 saat (may üzrə iş norması)) aşağı müəyyən edilə bilməz. Əmək Məcəlləsində təklif edilən dəyişikliyə əsasən, minumum saatlıq əmək haqqının məbləği aylıq iş normasından asılı olmayaraq daha yüksək məbləğdə müəyyən edilməlidir.
Beşinci məqam. Əmək müqaviləsi bağlayaraq minimum saatlıq əmək haqqı ilə çalışan şəxslər üçün digər işçilərdə olduğu məzuniyyət hüququ, əmək şəraitinə görə əmək haqqına əmsalların tətbiqi və gecə vaxtı, iş vaxtından artıq iş və bayram gününlərə görə əlavə ödənişlərin verilməsi qanunvericilikdə müəyyən edilən qaydada tənzimlənəcək.
Ekspertlər minimum saatlıq əmək haqqının tətbiq ilə bağlı bəzi vacib məqamlara aydınlıq gətirib.
Birinci məqam. Minimum saatlıq əmək haqqının tətbiqinin cari işçilərin əmək haqqı məbləğinə hər hansı təsiri olmayacaq. İşəgötürənlər tərəfindən minimum saatlıq əmək haqqının tətbiqi müəyyən meyarlara uyğun gələn və yeni bağlanan əmək müqavilələrinə tətbiq ediləcək.
İkinci məqam. Əmək Məcəlləsində işçilərə minimim əmək haqqıdan aşağı məbləğin verilməməsi ilə bağlı tələblər olduğu kimi, təklif edilən dəyişikliyə əsasən, işəgötürənlər qanunvericiliklə müəyyən edilən minimum saatlıq əmək haqqıdan aşağı saatlıq əmək haqqı müəyyən etmək səlahiyyətlərinə malik olmayacaqlar.
Üçüncü məqam. Minimum saatlıq əmək haqqının qisa müddətə (ilkin layihədə 1 aylıq müddət nəzərdə tutulur) bağlanan və həftəlik iş norması 20 saatdan aşağı olan şəxslərə tətbiq edilməsi nəzərdə tutulub. Misal üçün, işəgötürən işə tam iş vaxtı ilə işçi qəbul edərsə, o zaman minimum saatlıq yox, minimum aylıq əmək haqqı üzrə tələbləri nəzərə almalıdır.
Dördüncü məqam. Layihədə nəzərdə tutulub ki, minimum saatlıq əmək haqqının məbləği cari saatlıq əmək haqqı məbləğindən daha yüksək olsun. 2025-ci il istehsalat təqviminə əsasən, 2025-ci ilin may ayında 158 saat iş norması müəyyən edilib. 1 yanvar 2025-ci il tarixdən minimum əmək haqqının 400 manat olmasını nəzərə alsaq, tam iş vaxtı ilə çalışan işçi üzrə saatlıq əmək haqqının minimum məbləği 2,53 manatdan (400 manat (minimum əmək haqqı) / 158 saat (may üzrə iş norması)) aşağı müəyyən edilə bilməz. Əmək Məcəlləsində təklif edilən dəyişikliyə əsasən, minumum saatlıq əmək haqqının məbləği aylıq iş normasından asılı olmayaraq daha yüksək məbləğdə müəyyən edilməlidir.
Beşinci məqam. Əmək müqaviləsi bağlayaraq minimum saatlıq əmək haqqı ilə çalışan şəxslər üçün digər işçilərdə olduğu məzuniyyət hüququ, əmək şəraitinə görə əmək haqqına əmsalların tətbiqi və gecə vaxtı, iş vaxtından artıq iş və bayram gününlərə görə əlavə ödənişlərin verilməsi qanunvericilikdə müəyyən edilən qaydada tənzimlənəcək.