Bir direktor iki şirkəti idarə edə bilər?

Sual: Digər şirkət (A şirkəti) rəsmi və hüquqi olaraq bir başqa şirkətin (B şirkətinin) tabeliyinə keçir. Təsisçi eyni şəxsdir, direktorlar fərqlidir. Təsisçilərin qərarı ilə A şirkəti kənar idarəçiliyə verilir və A ilə B arasında "kənar idarəetmə haqqında" müqavilə imzalanır. A-nın direktoru vəzifədən azad edilir, B -nin direktoru isə yeni qanuni təmsilçi kimi "kənar idarəçi" adlandırılır. Sualım belədir: A şirkətində çalışan işçilərin (şirkətin icra orqanının səlahiyyətləri və direktoru dəyişildiyi tarixdən sonra) əmək müqavilələri elektron portalda və digər şəxsi işlərində yenilənmə olmalıdırmi? Ümumiyyətlə, hansı lazımi proseslər icra olunmalıdır? Bu iki şirkəti bir direktor idarə edə bilərmi? Minnətdaram.

Vüqar Baxışov

Cavab: Sualdan belə aydın olur ki, şirkətlərdə təsisçi dəyişikliyi olmayıb. Təsisçilər olduğu kimi qalıb, amma idarəetmə qaydaları dəyişilib. Əgər belədirsə, onda ƏƏSMN informasiya bildiriş bazasında heç bir dəyişiklik etmək lazım deyil. Hətta Əmək Məcəlləsinin tələblərinə əsasən təsisçi (mülkiyyətçi) dəyişikliyi olsa belə, işçilərin əmək müqavilələrinin ləğv olunması məcburi deyil.Yəni, ləğv olunma yeni mülkiyyətçinin istəyindən asılıdır, əlbəttə ki, qanunvericilikdə müəyyən məhdudiyyətlər də nəzərdə tutulub.

Sizin halınızda isə heç bir əlavə və ya dəyişik olunmalı deyil.

Sualın ikinci hissəsinə gəlincə, bir şəxs bir neçə yerdə işləyə bilər. Bir yerdə əsas iş yeri kimi, digər yerlərdə isə əlavə iş yeri kimi çalışması mümkündür. Odur ki, sizin direktor işçi kimi bir neçə yerdə çalışa bilər.