az
Hansı maddə ilə əmək müqaviləsinə xitam verilən işçiyə işə qayıtmaq hüququ veriləcək?
Hansı maddə ilə əmək müqaviləsinə xitam verilən işçiyə işə qayıtmaq hüququ veriləcək?
Azərbaycan Respublikası Prezidentinin imzaladığı “Əmək Məcəlləsinə dəyişiklik edilməsi haqqında” qanuna əsasən, işçinin təşəbbüsü ilə əmək müqaviləsinə xitam verilməsi ilə bagli maddəyə yeni bənd əlavə edilib. “Əmək müqaviləsinin işçi tərəfindən ləğv edilməsi qaydası” adlı 69-cu maddəyə aşağıdakı məzmunda 3-1-ci hissə əlavə edilib:
“Azərbaycan Respublikasının diplomatik nümayəndəliyində və ya konsulluğunda xidmət keçən, yaxud müvafiq icra hakimiyyəti orqanının müəyyən etdiyi orqan (qurum) tərəfindən xaricdə beynəlxalq təşkilatın orqanına işləməyə göndərilən diplomatik xidmət orqanı əməkdaşının dövlət orqanında, dövlətin adından yaradılan publik hüquqi şəxsdə, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxsdə və büdcə təşkilatında təyinatlı vəzifədə (peşədə) işləyən arvadının (ərinin) ərizəsində göstərdiyi gün onun əmək müqaviləsi ləğv edilə bilər.”
Maddədən göründüyü kimi, Azərbaycan Respublikasının diplomatik nümayəndəliyində və ya konsulluğunda xidmət keçən, yaxud müvafiq icra hakimiyyəti orqanının müəyyən etdiyi orqan (qurum) tərəfindən xaricdə beynəlxalq təşkilatın orqanına işləməyə göndərilən diplomatik xidmət orqanı əməkdaşının işləyən arvadının (ərinin) ərizəsində göstərdiyi gün onun əmək müqaviləsi ləğv edilə bilər. Təbii ki, qeyd edlən hallar özəl müəssisələrdə yox, dövlət orqanında, dövlətin adından yaradılan publik hüquqi şəxsdə, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxsdə və büdcə təşkilatında təyinatlı vəzifədə (peşədə) işləyən şəxslərə şamil olunur.
Misal. Azərbaycanın Macarıstdankı diplomatik nümayəndəliyində işləyən şəxsin həyat yoldaşı Dövlət İmtahan Mərkəzində baş mütəxəssis vəzifəsində çalışır. İşçi işdənçıxma ərizəsində 69.3-1-ci maddəyə istinad etdiyi üçün işəgötürən onun əmək müqaviləsinə xitamla bagli əmrdə həmin maddəni qeyd etməlidir.
Sual oluna bilər ki, yuxarıda qeyd edilən hal niyə 69.3-cü maddəyə daxil edilmədi, yeni bənd yaradılmasına ehtiyac duyuldu? Sualın cavabı Əmək Məcəlləsinə əlavə edilən növbəti hissə ilə bağlıdır. Belə ki, Əmək Məcəlləsinin 77-ci maddəsinə əlavə edilən 10-cu hissəyə əsasən, qanunvericiliklə müəyyən edilmiş qaydada müəssisənin ləğvi istisna olmaqla, Azərbaycan Respublikasının diplomatik nümayəndəliyində və ya konsulluğunda xidmət keçən, yaxud müvafiq icra hakimiyyəti orqanının müəyyən etdiyi orqan (qurum) tərəfindən xaricdə beynəlxalq təşkilatın orqanına işləməyə göndərilən diplomatik xidmət orqanı əməkdaşının Azərbaycan Respublikasının dövlət orqanında, dövlətin adından yaradılan publik hüquqi şəxsdə, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxsdə və büdcə təşkilatında təyinatlı vəzifədə (peşədə) işləmiş və bu Məcəllənin 69-cu maddəsinin 3-1-ci hissəsi ilə müəyyən edilmiş qaydada əmək müqaviləsinə xitam verilmiş arvadı (əri) diplomatik xidmət orqanı əməkdaşının müvafiq diplomatik nümayəndəlikdə və ya konsulluqda, yaxud xaricdə beynəlxalq təşkilatın orqanında işlədiyi müddətdə və ya bu müddət başa çatdığı tarixdən 60 (altmış) təqvim günü keçənədək əvvəlki vəzifəsini (peşəsini) tutmaq üçün müraciət etdikdə onun peşəkarlıq səviyyəsi və peşə yararlılığı yoxlanılmaqla həmin vəzifəyə (peşəyə), bu mümkün olmadıqda isə ona bərabər başqa vəzifəyə (peşəyə) təyin olunur.
Əmək Məcəlləsinin 77-ci maddəsinə əlavə edilən yeni hissəyə əsasən, misalda qeyd etdiyimiz Dövlət İmtahan Mərkəzində çalışan işçi yenidən işə qayıtmaq istərsə (həm həyat yoldaşının müvafiq qurumda işlədiyi müddətdə həm də müddət başa çatdığı tarixdən 60 (altmış) təqvim günü keçənədək), işəgötürən onu peşəkarlıq səviyyəsi və peşə yararlılığı yoxlanılmaqla həmin vəzifəyə (peşəyə), bu mümkün olmadıqda isə ona bərabər başqa vəzifəyə (peşəyə) təyin etməlidir.
Azərbaycan Respublikası Prezidentinin imzaladığı “Əmək Məcəlləsinə dəyişiklik edilməsi haqqında” qanuna əsasən, işçinin təşəbbüsü ilə əmək müqaviləsinə xitam verilməsi ilə bagli maddəyə yeni bənd əlavə edilib. “Əmək müqaviləsinin işçi tərəfindən ləğv edilməsi qaydası” adlı 69-cu maddəyə aşağıdakı məzmunda 3-1-ci hissə əlavə edilib:
“Azərbaycan Respublikasının diplomatik nümayəndəliyində və ya konsulluğunda xidmət keçən, yaxud müvafiq icra hakimiyyəti orqanının müəyyən etdiyi orqan (qurum) tərəfindən xaricdə beynəlxalq təşkilatın orqanına işləməyə göndərilən diplomatik xidmət orqanı əməkdaşının dövlət orqanında, dövlətin adından yaradılan publik hüquqi şəxsdə, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxsdə və büdcə təşkilatında təyinatlı vəzifədə (peşədə) işləyən arvadının (ərinin) ərizəsində göstərdiyi gün onun əmək müqaviləsi ləğv edilə bilər.”
Maddədən göründüyü kimi, Azərbaycan Respublikasının diplomatik nümayəndəliyində və ya konsulluğunda xidmət keçən, yaxud müvafiq icra hakimiyyəti orqanının müəyyən etdiyi orqan (qurum) tərəfindən xaricdə beynəlxalq təşkilatın orqanına işləməyə göndərilən diplomatik xidmət orqanı əməkdaşının işləyən arvadının (ərinin) ərizəsində göstərdiyi gün onun əmək müqaviləsi ləğv edilə bilər. Təbii ki, qeyd edlən hallar özəl müəssisələrdə yox, dövlət orqanında, dövlətin adından yaradılan publik hüquqi şəxsdə, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxsdə və büdcə təşkilatında təyinatlı vəzifədə (peşədə) işləyən şəxslərə şamil olunur.
Misal. Azərbaycanın Macarıstdankı diplomatik nümayəndəliyində işləyən şəxsin həyat yoldaşı Dövlət İmtahan Mərkəzində baş mütəxəssis vəzifəsində çalışır. İşçi işdənçıxma ərizəsində 69.3-1-ci maddəyə istinad etdiyi üçün işəgötürən onun əmək müqaviləsinə xitamla bagli əmrdə həmin maddəni qeyd etməlidir.
Sual oluna bilər ki, yuxarıda qeyd edilən hal niyə 69.3-cü maddəyə daxil edilmədi, yeni bənd yaradılmasına ehtiyac duyuldu? Sualın cavabı Əmək Məcəlləsinə əlavə edilən növbəti hissə ilə bağlıdır. Belə ki, Əmək Məcəlləsinin 77-ci maddəsinə əlavə edilən 10-cu hissəyə əsasən, qanunvericiliklə müəyyən edilmiş qaydada müəssisənin ləğvi istisna olmaqla, Azərbaycan Respublikasının diplomatik nümayəndəliyində və ya konsulluğunda xidmət keçən, yaxud müvafiq icra hakimiyyəti orqanının müəyyən etdiyi orqan (qurum) tərəfindən xaricdə beynəlxalq təşkilatın orqanına işləməyə göndərilən diplomatik xidmət orqanı əməkdaşının Azərbaycan Respublikasının dövlət orqanında, dövlətin adından yaradılan publik hüquqi şəxsdə, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxsdə və büdcə təşkilatında təyinatlı vəzifədə (peşədə) işləmiş və bu Məcəllənin 69-cu maddəsinin 3-1-ci hissəsi ilə müəyyən edilmiş qaydada əmək müqaviləsinə xitam verilmiş arvadı (əri) diplomatik xidmət orqanı əməkdaşının müvafiq diplomatik nümayəndəlikdə və ya konsulluqda, yaxud xaricdə beynəlxalq təşkilatın orqanında işlədiyi müddətdə və ya bu müddət başa çatdığı tarixdən 60 (altmış) təqvim günü keçənədək əvvəlki vəzifəsini (peşəsini) tutmaq üçün müraciət etdikdə onun peşəkarlıq səviyyəsi və peşə yararlılığı yoxlanılmaqla həmin vəzifəyə (peşəyə), bu mümkün olmadıqda isə ona bərabər başqa vəzifəyə (peşəyə) təyin olunur.
Əmək Məcəlləsinin 77-ci maddəsinə əlavə edilən yeni hissəyə əsasən, misalda qeyd etdiyimiz Dövlət İmtahan Mərkəzində çalışan işçi yenidən işə qayıtmaq istərsə (həm həyat yoldaşının müvafiq qurumda işlədiyi müddətdə həm də müddət başa çatdığı tarixdən 60 (altmış) təqvim günü keçənədək), işəgötürən onu peşəkarlıq səviyyəsi və peşə yararlılığı yoxlanılmaqla həmin vəzifəyə (peşəyə), bu mümkün olmadıqda isə ona bərabər başqa vəzifəyə (peşəyə) təyin etməlidir.